திரைப்படங்களில் கதை உள்ளிட்ட அம்சங்கள் அழகாக இருந்தால் அதற்கு அடுத்தபடியாக கதாநாயகன், கதாநாயகி ஜோடி தான் பெரிதும் பேசப்படும் .
ஒரு நடிகருக்கு ஜோடியாக 5 படங்கள் நடிக்கலாம் . பத்து படங்கள் நடிக்கலாம் ஏன் சிவாஜி எம்ஜிஆர் காலத்தில் 20, 30 படங்களில் கூட ஜோடியாக நடிச்தவர்கள் இருக்கிறார்கள்.
ஆனால் ஒரு நடிகருக்கு 130 படங்களில் ஜோடியாக நடித்த நடிகை பற்றி கேள்விப்பட்டிருக்கிறீர்களா? அவர்தான் பிரபல மலையாள நடிகை ஷீலா. இவர் நடிகர் பிரேம் நசீர் உடன் இணைந்து 130 படங்களில் நடித்தது கின்னஸ் சாதனை புத்தகத்தில் இடம் பெற்றுள்ளது.
உலகில் எந்த நடிகரும் நடிகையும் இத்தனை படங்களில் இணைந்து நடித்ததில்லை என்பதும், இனிமேல் இப்படி ஒரு சாதனையை எந்த நடிகையும் செய்ய முடியாது என்பதும் குறிப்பிடத்தக்கது .
