போதையில் பெண்ணை தாக்கியவர் கைது

சேலம் கன்னங்குறிச்சி அய்யந் திருமாளிகையைச் சேர்ந்தவர் பாலு (58). இவருக்கும், அதே பகுதியைச் சேர்ந்த சதீஸ்குமார் (27) என்பவருக்கும் இடையே முன்விரோதம் இருந்து வந்துள்ளது. சம்பவத்தன்று அப்பகுதியில் உள்ள மளிகை கடை அருகே,
சதீஸ்குமார் மது அருந்திவிட்டு, பொதுமக்களுக்கு இடையூறு ஏற்படுத்தி வந்துள்ளார். இதுகுறித்து பாலு அவரிடம் தட்டிக் கேட்டுள்ளார். இதனால் ஆத்திரம் அடைந்த சதீஸ்குமார், பாலு மற்றும் அவரின் சகோதரர் மனைவி லட்சுமியை, தகாத வார்த்தையால் திட்டி முடியை பிடித்து இழுத்து இருவரையும் கடுமையாக தாக்கியுள்ளார். இதுகுறித்து பாலு அளித்த புகாரின் பேரில், கன்னங்குறிச்சி போலீசார், சதீஸ்குமாரை கைது செய்தனர்.