போதைக்கு அடிமையாகி தனியாக நடந்து செல்லும் பெண்களிடம் அத்துமீறிய நபர்…. சேலம் போலீஸ் அதிரடி கைது…
போதை மருந்து பழக்கங்கள் சேலம் மாநகரில் அதிகரித்து வரும் நிலையில் அதை கட்டுப்படுத்த கைது உள்ளிட்ட நடவடிக்கைகள் எடுக்கப்பட்டாலும் அதன் புழக்கம் இன்னமும் குறையவில்லை.
இதற்கு உதாரணமாக வீராணத்தை அடுத்த மன்னார் பாளையம் என்ற இடத்தில் சாலையில் தனியாக நடந்து சென்ற பெண் ஒருவரை கீழே தள்ளிவிட்டு அவரிடம் அத்துமீற ஒருவர் முயன்றுள்ளார். பெண்ணின் அலறல் சுத்தம் கேட்டு அருகில் இருந்தவர்கள் வருவதற்குள் அந்த நபர் தப்பி ஓடிவிட்டார்.
புகாரின் பேரில் சிசிடிவி காட்சிகளில் உதவியுடன் தேடுதல் வேட்டையில் ஈடுபட்ட போலீசார், அல்லிக்குட்டை பகுதியை சேர்ந்த 27 வயதான கர்ணன் என்பவரை கைது செய்தனர் . போதைப் பழக்கத்திற்கு அடிமையான அவர் , தான் வசித்து வந்த பகுதியிலும் பலரிடம் இது போன்ற செயலில் ஈடுபட்டது தெரியவந்தது. கைது செய்யப்பட்ட கண்ணன் சிறையில் அடைக்கப்பட்டார். போதை மருந்துகள் பழக்கத்தை கட்டுப்படுத்த மாவட்ட நிர்வாகம் தவறிவிட்டதாக பொதுமக்கள் குற்றம் சாட்டி வருகின்றனர்.
