சேலம் டவுன் போலீசார் அப்பகுதியில் உள்ள ஒரு பள்ளியின் அருகே ரோந்து பணியில் ஈடுபட்டனர். அப்போது, முள்ளுவாடி கேட் தியாகி வீரய்யா தெருவை சேர்ந்த முபினா (40) என்பவர் குட்கா உள்ளிட்ட புகையிலை பொருட்களை பள்ளி மாணவர்களுக்கு விற்பனை செய்வது தெரியவந்தது. இதனை தொடர்ந்து அவரை போலீசார் கைது செய்து அவரிடம் இருந்து விற்பனைக்கு வைத்திருந்த போதைப் பொருட்களை பறிமுதல் செய்தனர். இதேபோல், கடைவீதியில் சலீன் பாஷா (46) என்பவர் தனது இருசக்கர வாகனத்தில் புகையிலைபொருட்களை சிறுவர்களுக்கு விற்பனை செய்வதற்காக வைத்திருந்த நிலையில் அவரை போலீசார் கைது செய்து குட்கா உள்ளிட்ட புகையிலை பொருட்களை பறிமுதல் செய்தனர்.
