பல்லுயிர் என்பது பூமியில் வாழும் அனைத்து உயிரினங்களின் வகைகள், அவற்றின் பருவநிலை மற்றும் மரபணு மாறுபாடுகளை அடையாளப்படுத்துகிறது. இது இயற்கை அமைப்புகளின் ஆரோக்கியத்திற்கும், மானுடத்தின் வாழ்வின் நீடித்துப் பாதுகாப்பிற்கும் அத்தியாவசியமாகும். மே 22 ஆம் தேதி, உலகம் முழுவதும் பல்லுயிரின் முக்கியத்துவத்தை உணர்த்தி உலக பல்லுயிர் தினத்தை கொண்டாடுகிறது. உலக பல்லுயிர் தினம், 1993 ஆம் ஆண்டு முதல் மே 22 ஆம் தேதி அன்று ஆண்டு தோறும் கொண்டாடப்படுகிறது. இந்த நாள், 1992 ஆம் ஆண்டு ரியோ டி ஜெனீரோவில் நடைபெற்ற பூமி உச்சி மாநாட்டில் அங்கீகரிக்கப்பட்ட பல்லுயிர் ஒப்பந்தத்தின் நினைவாக கடைபிடிக்கப்படுகிறது. இந்த ஒப்பந்தம் பல்லுயிரை பாதுகாக்கும் நோக்குடன் உருவாக்கப்பட்டது. மேலும்
பல்லுயிரின் முக்கியத்துவத்தை உணர்ந்து அதை பாதுகாப்பதின் அவசியத்தை நமக்கு நினைவுறுத்துகிறது.
நம்முடைய தினசரி வாழ்க்கைக்கு தேவையான பல பொருட்களை பல்லுயிரில் இருந்து தான் நமக்கு கிடைக்கிறது. அதுமட்டுமின்றி பல்லுயிரில் சில வகைகளும் உண்டு அவை;
- வகை பல்லுயிர் (Species Diversity): பூமியில் வாழும் பல்வேறு உயிரினங்கள் மற்றும் தாவரங்களின் விதிவகைகளை குறிக்கிறது. இது நமது சூழலியல் சமநிலையை பராமரிக்க உதவுகிறது.
- பருவநிலை பல்லுயிர் (Ecosystem Diversity): பல்வேறு இயற்கை அமைப்புகள் மற்றும் அவற்றின் இடையிலான தொடர்புகளை குறிக்கிறது. இது காடுகள், நதிகள், கடல்கள் மற்றும் பாலைவனங்கள் போன்ற சூழலியல்களை உள்ளடக்கியது.
3.மரபணு பல்லுயிர் (Genetic Diversity): ஒவ்வொரு உயிரினத்தின் உள்ள மரபணு மாறுபாடுகளைக் குறிக்கிறது. இது உயிரினங்களின் ஆரோக்கியத்தையும், சரிவிலிருந்து மீள்வதற்கான திறனையும் உறுதிப்படுத்துகிறது.
பல்லுயிரின் முக்கியத்துவம் பற்றி அன்றாடம் வாழ்வில் நாம் யோசிப்பது உண்டா என்ற கேள்விக்கு மௌனம் மட்டும் தான் பதிலாய் எஞ்சி இருக்கிறது அதற்கு காரணம் அதன் முக்கியத்துவம் பற்றி போதிய விழிப்புணர்வு இல்லாதது தான்.
பல்லுயிர் இன் முக்கியத்துவம் என்னவென்றால்,
1.உணவு பாதுகாப்பு: நமது உணவு பொருட்கள், விவசாயம் மற்றும் மீன்பிடிப்புகள் அனைத்தும் பல்லுயிரின் பல்வகைமைகளின் அடிப்படையில் உருவாக்கப்பட்டுள்ளது. பல்லுயிரின் குறைவால், உணவு ஆதாரம் பாதிக்கப்படலாம்.
2.மருந்துகள் மற்றும் சிகிச்சை: பல மருந்துகள் பல்லுயிரின் வளங்களிலிருந்து கிடைக்கின்றன. பல்வேறு தாவரங்கள் மற்றும் விலங்குகளில் இருந்து புதிய மருந்துகள் கண்டுபிடிக்கப்படுகின்றன.
3.சூழலியல் சமநிலை: பல்லுயிர் இயற்கையின் சமநிலையை பராமரிக்க உதவுகிறது. உயிரினங்களின் அழிவு சூழலியலின் பாதிப்பை ஏற்படுத்தும், இதனால் பருவநிலை மாற்றங்கள், நிலச்சரிவு போன்றவை நிகழ்கின்றன.
பல்லுயிரின் வகைகள் பற்றியும் அதன் முக்கியத்துவம் பற்றியும் அறிந்து கொள்வதோடு மட்டும் இல்லாமல் நாம் ஒவ்வொருவரும் அதை பாதுகாக்க வேண்டும் பல்லுயிர் காக்கும் வழிகளாய் சிலவற்றை சொல்லப்படுவது என்னவெனில்,
1.காடுகளை காப்பது: காடுகள் பல உயிரினங்களின் வாழ்விடமாக விளங்குகின்றன. அவற்றின் அழிவைத் தடுக்க மற்றும் புதிய காடுகளை வளர்க்க நடவடிக்கை எடுக்க வேண்டும்.
2.பசுமை பரப்பை விரிவாக்குதல்: பசுமை பரப்புகளை விரிவாக்குவதன் மூலம் சுற்றுப்புற சூழல் மேம்படும். இது பல உயிரினங்களுக்கு வாழ்க்கை தரும்.
3.குப்பைகளை குறைத்து, மறுசுழற்சி செய்யுதல்: குப்பைகளை முறையாக நிர்வகித்து, மறுசுழற்சி செய்யும் முறைகளை பின்பற்றி இயற்கையை பாதுகாக்கலாம்.
4.சுற்றுச்சூழல் கல்வி: பல்லுயிரின் முக்கியத்துவத்தை மாணவர்களுக்கும் பொதுமக்களுக்கும் எடுத்துரைத்து, அவர்களைப் பொறுப்புமிக்க செயல்பாடுகளில் ஈடுபடுத்துவது முக்கியம்.
பல்லுயிர் பூமியின் அழகையும், ஆரோக்கியத்தையும் பாதுகாக்க உதவுகிறது. உலக பல்லுயிர் தினத்தை முன்னிட்டு, நாம் அனைவரும் பல்லுயிரின் முக்கியத்துவத்தை உணர்ந்து, அதை பாதுகாக்க உறுதி மேற்கொள்ள வேண்டும்.
நாம் செய்யும் ஒவ்வொரு சிறிய செயல்களும், பல்லுயிர் மண்ணை காப்பதில் முக்கிய பங்காற்றுகின்றன. நம் வாழும் சமுதாயத்திற்கும், எதிர்கால சந்ததிகளுக்கும் பசுமையான உலகத்தை வழங்க முயற்சிப்போம்..!
