சேலம் மாவட்டம், இளம்பிள்ளையில் அமைந்துள்ள கஞ்சமலை சித்தேஸ்வரர் திருக்கோவிலில் பக்தர்களுக்கு அன்னதானம் வழங்கப்பட்டது. 500 -க்கும் மேற்பட்ட பக்தர்களுக்கு சிறப்பு பிரசாதம் வழங்கப்பட்டது.
இளம்பிளையில் அமைந்துள்ள கஞ்சமலை சித்தேஸ்வரர் திருக்கோவிலில் வளர்பிறை தொடங்கிடும் அமாவாசை தினமான ஜூலை மாதம் 5 ஆம் தேதி அன்று சிறப்பு பூஜைகள் நடைபெற்றன. கஞ்சமலை சித்தேஸ்வரர் கோவிலுக்கு ஏராளமான பக்தர்கள் வருகை புரிந்து சாமி தரிசனம் பெற்றனர்.
இதனையொட்டி பாஜக தமிழ்நாடு மாநில விவசாய அணி செயலாளரும், சமூக ஆர்வலருமான ஆர்.பார்த்தசாரதி அவர்கள் தலைமையில்,பக்தர்களுக்கு அன்னதானம் வழங்கப்பட்டது. அங்கு வருகை புரிந்திருந்த பக்தர்களுக்கு பார்த்தசாரதி அவர்கள் சார்பில் பார்த்தசாரதி குழுவினரால் தக்காளி சாதம், புளி சாதம், கேசரி மற்றும் வாட்டர் பாட்டில் ஆகியவை அடங்கிய சிறப்பு பிரசாதம் பக்கதர்களுக்கு வழங்கப்பட்டது.
சித்தேஸ்வரர் திருக்கோவிலிற்கு வருகைபுரிந்த பக்கதர்கள் சாமி தரிசனம் பெற்று, 500க்கும் மேற்பட்டோர் சிறப்பு பிரசாதங்களைப் பெற்றுக்கொண்டனர்.
